Полицијата денеска соопшти дека поднела кривична пријава против двајца вработени во „Национални шуми“ од Свети Николе, кои минатиот месец украле огревно дрво и со службен трактор и теренско возило го пренеле до своите домови.
„Надворешната канцеларија за криминалистички работи Свети Николе поднесе кривична пријава против Д.Р.(45) и Љ.Д.(40), двајцата од Свети Николе, поради постоење основи на сомнение за сторено кривично дело ‘послужување во службата’. На 25.05.2026 во Свети Николе, пријавените вработени во Јавното претпријатие ‘Национални шуми“ – Свети Николе’, за време на неработни денови, првопријавениот како референт за превоз, а второпријавениот како ракувач со градежна машина, неовластено го користеле службениот трактор и теренското возило за сопствени потреби и извршиле пренос на огревно дрво од реонот на Шумско стопанска единица Ѓуриште до своите домови во Свети Николе“, се наведува во соопштението.
© Vecer.mk, правата за текстот се на редакцијата
