Хрватскиот премиер Андреј Пленковиќ пристигна во официјална посета на Македонија, а на охридскиот аеродром беше пречекан од македонскиот премиер Христијан Мицкоски, заедно со министрите од Владата.
По пречекот, двајцата премиери остварија тет-а-тет средба.
-Во пријатна и конструктивна атмосфера разговаравме за продлабочување на соработката помеѓу двете држави регионалната стабилност, европската перспектива и заедничките предизвици, објави Мицкоски.
Според агендата, следува владина билатерална средба во хотел „Инекс Олгица“. Потоа е предвидено двајцата премиери да потпишат договори за стратешка соработка помеѓу двете земји, а македонското Министерство за енергетика, рударство и минерални суровини и хрватското Министерство за економија ќе потпишат меморандум за соработка.
Во 12:30 часот следува заедничка прес конференција на Мицкоски и Пленковиќ.
За време на престојот на Пленовиќ во Македонија предвидена е и бизнис средба на сопственици на компании од двете држави.
© Vecer.mk, правата за текстот се на редакцијата
