Грчката национална телевизија ЕРТ и грчката ракометна федерација со прекршување на меѓународниот код
NMKD наместо MKD го прекршија Преспанскиот договор меѓу Македонија и Грција.
Прекршувањето е сторено на преносот од ракометниот меч Грција – Македонија кој се игра во квалификацискиот меч за Европскиот шампионат на кој на кајронот стои NMKD.
ЕРТ е официјална медиумска институција под капата на грчката држава. Досега никаде не се употребуваше НМКД.
Според Член 1, став 3, точка д (e) од Преспанскиот договор, меѓународните кодови/кратенки МК и МКД остануваат официјални кодови на земјата за сите намени, со исклучок на регистарските таблички за возила.
Официјалниот текст гласи:
„Кодот за земјата на регистарските таблички на возилата на Втората страна ќе биде НМ или НМК. За сите други намени, кодовите на земјата остануваат да бидат МК и МКД, како што е официјално определено од Меѓународната организација за стандардизација (ИСО)“.
Регистарски таблички се единствената сфера каде што употребата на МК/МКД е заменета со кодовите NM или NMK.
За сите други намени, за спортски федерации, пасоши, трговски марки, веб-домени (.mk), економски кодови, меѓународни спортски преноси и секаков друг вид на официјална и неофицијална комуникација, кодовите МК и МКД остануваат целосно валидни во согласност со меѓународниот ИСО-стандард.
© Vecer.mk, правата за текстот се на редакцијата
