Охридската полиција расчистува случај на брутално физичко насилство кое го вознемири градот, откако 59-годишната Б.Х. заврши со тешки телесни повреди по жестока пресметка насред улица!
Крвавиот инцидент се случил вчера околу пладне, поточно во 12:10 часот, на познатата улица „Коста Абраш“ во Охрид. Според официјалните информации од СВР Охрид, М.Х. физички ја нападнала својата сограѓанка Б.Х. (59), нанесувајќи ѝ сериозни повреди кои подоцна биле потврдени и констатирани од страна на лекарите во специјалната болница „Св. Еразмо“.
Полицијата веднаш излегла на терен и работи на целосно документирање на овој насилен настан, по што против напаѓачката М.Х. ќе биде поднесена соодветна кривична пријава.
© Vecer.mk, правата за текстот се на редакцијата
