Премиерот Христијан Мицкоски денеска најави дека се анализираат брзи измени на одредени законски решенија, за успешна реализација на планот за скротување на инфлацијата и заштита на стандардот на граѓаните. Одлуката доаѓа само еден ден по неговата итна средба со претставниците на најголемите маркети во земјава, при што премиерот јасно порача дека тоа што е обврска на Владата ќе биде целосно испорачано, но оти сега потегот и одговорноста остануваат кај трговците.
„Државниот пазарен инспекторат доби задача да направи компаративна анализа помеѓу цените на еден ист производ, еден ист артикл на добавувачите кон маркетите и цените на маркетите за тој ист производ кон потрошувачите, граѓаните, за месец мај 2025-та споредено со месец мај 2026-та. Да видиме, што е тоа кое што тука креира состојба да ние имаме зголемени цени на основните прехранбени производи. Нашата цел се основните прехранбени производи, не е тутунот и производите од тутун, алкохолните пијалоци или друг тип на акцизна роба. Зборуваме за основни прехранбени производи, тоа што им е неопходно на граѓаните“, рече Мицкоски.
© Vecer.mk, правата за текстот се на редакцијата
