Македонија денес е под метео предупредување поради екстремно високите температури. Управата за хидрометеролошки работи предупредува дека под влијание на топла воздушна маса од југ продолжувапериодот на сончево и многу топло време, со температури над 33 степени во целата земја, а на одделни места живата во термометарот ќе достигне 40 степени Целзиусови. Температурите ќе се задржат и во текот на ноќта, додека од утре се очекува промена на временските услови.
Денеска времето ќе биде сончево и многу топло, со мала локална облачност и слаб до умерен ветер од променлив правец. Утринските температури ќе се движат од 12 до 19 степени, додека дневните ќе достигнат меѓу 33 и 40 степени Целзиусови.
Во Скопје се очекува сончево и многу топло време, проследено со слаб ветер од променлив правец. Минималната температура ќе изнесува 16 степени, а максималната ќе достигне до 39 степени.
© Vecer.mk, правата за текстот се на редакцијата
