Двајца жители на Гостивар се лишени од слобода по пријава за физички напад и обид за сексуален напад врз 33-годишна жена во угостителски објект во селото Леуново, гостиварско.
Според МВР, на 11 август во 13:30 часот полициски службеници ги привеле П.А. (86) и Б.А. (60), двајцата од Гостивар. Претходно, 33-годишна жена од Тетово пријавила дека сопственикот на објектот Б.А. и неговиот татко П.А. физички ја нападнале и се обиделе да извршат сексуален напад врз неа.
Двајцата се задржани во полициска станица. Од МВР информираат дека по целосното документирање на случајот ќе следува соодветна пријава.
© Vecer.mk, правата за текстот се на редакцијата
