Во судницата во затворот „Идризово“ денеска продолжува судењето за катастрофалниот пожар во кочанската дискотека „Пулс“, во кој животот го загубија 63 лица, а над 200 беа повредени. На денешното рочиште е предвидено изведување на градежното вештачење за објектот, како и распит на вештаците кои го изработиле извештајот.
На претходното рочиште, судскиот вештак и професор на Градежниот факултет при УКИМ, Горан Марковски, посочи дека анализата недвосмислено потврдила суштински пропусти во системот. Според неговите сознанија, институциите и поединците потполно потфрлиле, при што воопшто не биле почитувани постоечките стандарди, регулативи и законски процедури.
© Vecer.mk, правата за текстот се на редакцијата
