Во Скопје синоќа околу 22 часот, полициски службеници од СВР Скопје лишиле од слобода шест малолетници од Скопје - соопшти Министерството за внатрешни работи.
Тие се сомничат дека со закана, при што едниот од нив употребил и остар предмет, од еден малолетник одзеле пари, а од друг малолетник се обиделе да одземат пари.
-По целосно документирање на случајот Единицата за внатрешни работи Центар и Бит Пазар при СВР Скопје ќе поднесе кривична пријава поради постоење основи на сомнение за сторени кривични дела „разбојништво“ и „разбојништво во обид“ по член 237 и член 237 во врска со член 19 од Кривичниот законик - наведуваат од МВР.
© Vecer.mk, правата за текстот се на редакцијата
