Владата ќе ги обештети граѓаните кои имаат штета од невремето во Скопје, изјави денеска во Кавадарци премиерот Христијан Мицкоски кој ги повика сите кои претрпеле штета да ја ја пријават во соодветните општински комисии.
– Што се однесува до обештетувањето на граѓаните кои претрпеа штета од невремето кое што се случи, само можам да кажам дека општините и институциите под општините формираат комисии. Граѓаните кои имаат штета треба да ја пријават таа штета во комисиите. Тие ќе направат проценка и потоа во Комитетот за проценка на штети ќе ги достават до Владата, а ние согласно закон и пракса ќе интервенираме и ќе ги обештетиме оние граѓани кои што ќе пријават штета- рече Мицкоски.
Тој апелираше граѓаните кои имаат штета да пријават,
-Да излезе Комисија да ја констатира и да добиеме ние како Влада спецификација на тие штети, за да можеме да ги обештетиме – рече тој.
© Vecer.mk, правата за текстот се на редакцијата
