Советот на Општина Аеродром на вчерашната седница ја донесе предлог-одлуката за измена на старосната граница за ослободување на млади парови од комуналии при изградба на куќа од 35 на 40 години, со што, согласно мерката која ја донесоа градските советници, Аеродром е првата општина во која младите целосно се ослободени од овие давачки кон локалната самоуправа и кон Градот.
Од Општина Аеродром потсетуваат дека условите што треба да се исполнуваат се непроменети, односно младите треба да се жители на општината најмалку две година, треба да го градат објектот исклучиво за лични станбени потреби и имаат обврска да живеат во новиот дом најмалку десет години.
© Vecer.mk, правата за текстот се на редакцијата
