УКИМ ПОВТОРНО ВО ПОЛН СЈАЈ: Јаневска уверува дека нема да има ново исклучување на струјата

Vecer | 19.11.2026

УКИМ ПОВТОРНО ВО ПОЛН СЈАЈ: Јаневска уверува дека нема да има ново исклучување на струјата
Додај го Вечер како твој извор на Google (се отвора во нов таб)

Министерката за образование и наука Весна Јаневска изјави дека снабдувањето со електрична енергија на Универзитетот „Свети Кирил и Методиј“ во Скопје е воспоставено и изрази уверување дека нема да има повторно исклучување поради неплатените сметки.

На дел од факултетите во состав на УКИМ вчера им била исклучена струјата поради долг, објави.

Снабдувањето подоцна било обновено, со услов преостанатите сметки да се подмират до петок, во спротивно постои можност за ново исклучување.

„Електрична енергија на УКИМ има. Точно е дека има долгови за електрична енергија, меѓутоа вчера излезе во Службен весник ребалансот на буџетот. Ние ги сервисираме редовно тие долгови и длабоко сум убедена дека нема да имаме ваков проблем“, изјави Јаневска.

Министерката денеска присуствуваше на Филозофскиот факултет, каде што се одбележуваат 80 години од основањето на Институтот за историја. По повод јубилејот се одржува дводневна конференција на тема „Од национални приказни до испреплетени истории“.

На настанот беа упатени пораки за значењето на научниот пристап во соочувањето со предизвиците пред македонската историографија, како и за потребата од поголема поддршка за младите заинтересирани за изучување на историјата.

© Vecer.mk, правата за текстот се на редакцијата

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk