Нискобуџетниот авио-оператор Wizz Air во својата понуда од мај ќе има претплатен модел - патниците ќе можат да плаќаат паушал во период од шест месеци, а за возврат ќе можат да изберат по еден лет секој месец, во еден правец или враќање.
Моделот за претплата на Wizz Air MultiPass во моментов ќе биде возможен само на летови на домашни линии во Италија и меѓународни линии до Полска, а патниците ќе имаат четири опции на располагање - да изберат претплата што го вклучува само билетот, потоа моделот на билетот плус приоритетно качување, билет и куфер до 20 килограми или модел кој ги вклучува сите опции.
Како што пишува порталот Travelpuls, оние кои ќе се одлучат да се претплатат, првиот билет можат да го купат веднаш, со тоа што летот е најмалку пет дена од денот на купувањето. Претплатата мора да трае најмалку шест месеци, па затоа се обновува секој месец.
„За фиксна цена, патниците добиваат одлична понуда за претстојната летна сезона, а во исто време немаат потреба да ги следат цените и да го планираат своето патување многу порано за да ја добијат најдобрата понуда. Благодарение на претплатата, патниците може многу лесно да избере лет за деловни или рекреативни цели“, стои во соопштението на оваа компанија.
© Vecer.mk, правата за текстот се на редакцијата
