Кинеските гиганти за електрични возила, предводени од BYD и Chery, најдоа лукав начин да ги заобиколат високите царини на Европската Унија кои достигнуваат и до 35 проценти. Наместо да плаќаат солени давачки за увезени автомобили, тие влегуваат директно во празните и неактивни фабрики на европските гиганти низ Шпанија, Англија и Германија.
Chery веќе ја презема поранешната фабрика на Нисан во Барселона и преговара за погонот во Сандерленд, додека BYD цели кон преземање на половина од фабриката на Фолксваген во Дрезден. За кинеските компании ова е поевтина и побрга опција бидејќи ги добиваат подготвени сите згради, струјата и веќе обучените локални работници.
Овој потег ги става европските производители како Фолксваген, Форд и Нисан во исклучително подредена положба. Додека нивната продажба паѓа а фабриките им остануваат празни поради намалениот интерес за возила на гориво, Кинезите во првиот квартал од годинава ја зголемија продажбата во Европа за дури 88 проценти.
Аналитичарите предупредуваат дека ова е долгорочна опасност за европската автоиндустрија. Со предавањето на фабриките, Европа им дава на кинеските фирми домашен легитимитет и пристап до евтина работна сила, додека западните марки ризикуваат целосно да станат зависни од кинеските батерии, софтвер и технологија. Додека за европските производители ова е само краткорочно крпење на дупките во буџетот, Кинезите добиваат трајно упориште на европско тло.
© Vecer.mk, правата за текстот се на редакцијата
