По празниците, ако сте претерале со алкохол и чувствувате мамурлак, често ни е потребно брзо закрепнување. Во таков случај, совршен избор е освежувачки сок кој дава енергија, хидратација и витамин Ц – токму она што ви е потребно за полесен почеток на денот.
За овој сок е потребна богата комбинација од овошје и зеленчук, која содржи природни шеќери, минерали и витамини што ќе ви помогнат да се чувствувате подобро и да ја вратите рамнотежата.
Состојки:
- 2 портокали
- 2 моркови
- 2 стебла целер
- 1 цвекло
- 1 лимон
- Парче свеж ѓумбир (околу 2–3 см)
Подготовка: За почеток, добро измијте го овошјето и зеленчукот. Портокалите, лимонот и цвеклото излупете ги. Потоа ставете ги сите состојки во соковник, исцедете го сокот и уживајте во него веднаш, додека е свеж.
Ако немате соковник, можете да користите и блендер – само изблендирајте ги сите состојки со малку вода (околу половина чаша), а потоа процедете низ цедалка за да добиете фин сок.
Така ќе си обезбедите брза хидратација и енергија, а воедно ќе уживате во вкусот на здравите состојки.
© Vecer.mk, правата за текстот се на редакцијата
