Истражувањето за цените во рестораните низ Европа покажа каде е најприфатливо, а каде е најскапо да се јаде оброк од три јадења за двајца.
Балканска земја се најде на врвот на листата на најповолни земји, додека најскапата титула, како што се очекуваше, ѝ припадна на Швајцарија.
Анализата е спроведена од страна на сајтот за споредба на фериботи Ferry GoGo, споредувајќи ја просечната цена на оброк за двајца, без пијалоци, во ресторани од средна класа, објавува Time Out.
Балканот ја предводи листата на најповолни
Според резултатите од истражувањето, земјата каде што ќе потрошите најмалку пари за вечера е Северна Македонија со просечна цена од 24,38 евра и Молдавија со 30,32 евра, што потврдува дека овој дел од Европа е идеален за гурмани со ограничен буџет.
Швајцарија меѓу најскапите
На спротивниот крај од листата, како најскапа земја за оброк во ресторан, е Швајцарија.
Просечен оброк од три јадења за двајца во швајцарски ресторан од средна класа чини околу 107,24 евра, што е околу четири пати поскапо отколку во Македонија.
Веднаш зад Швајцарија е Данска, каде што таков оброк чини 93,69 евра, додека трет е Луксембург со цена од 90 евра.
Во овие земји, ќе потрошите најмалку за вечера за двајца:
Северна Македонија: 24,38 евра
Молдавија: 30,32 евра
Босна и Херцеговина: 30,75 евра
Најмногу ќе потрошите за вечера за двајца во овие земји:
Швајцарија: 107,24 евра
Данска: 93,69 евра
Луксембург: 90,00 евра
Норвешка: 89,86 евра
Холандија, Ирска, Финска, Белгија: 80,00 евра
© Vecer.mk, правата за текстот се на редакцијата
