Наместо да ги смири превирањата, обраќањето на американскиот претседател Доналд Трамп во ударниот термин предизвика нов потрес на енергетските пазари. Цените на нафтата нагло пораснаа само неколку минути по неговиот говор, во кој најави дека конфликтот ќе трае со недели.
Глобалната референтна вредност, нафтата „Брент“, скокна за над четири проценти, достигнувајќи цена од 105 долари за барел. Ваквиот скок уследи по директната закана на Трамп за бомбардирање на иранските електрани доколку Техеран не се согласи со неговите барања. Сличен тренд забележа и американскиот индекс WTI, кој порасна за три отсто и се тргуваше над 103 долари за барел.
Од почетокот на војната, која трае повеќе од еден месец, Иран ефикасно го блокираше Ормускиот теснец, низ кој минуваат околу 20 проценти од светските залихи на нафта. Ова предизвика глобална енергетска криза: цените на нафтата нагло пораснаа, а цените на горивата во САД надминаа четири долари за галон.
© Vecer.mk, правата за текстот се на редакцијата
