Огнената стихија и натаму беснее во Грција, каде пожарите трет ден по ред остануваат актинив во повеќе региони. Најкритична е состојбата во јужниот дел на ретимно на островот Крит, каде пожарникарите водат тешка битка со пламените јазици, а силниот ветер и непристапниот терен го отежнуваат гасењето и придонесуваат огнот повторно да се зазгорува на одделни локации.
Пожарите се уште се активни во неколку области во Грција трет ден, а пожарот во јужниот дел на Ретимно на Крит им предизвикува најголеми проблеми на пожарникарите.
Според информациите од Координативниот центар, гаснењето на пожарот во Ретимно е отежнато од силните ветрови и непристапниот терен, што доведува до повторно ширење на пожарот на одредени локации.
Во областа на Ретимно, ангажирани се противпожарни екипи од различни делови на Крит, вклучувајќи пешадиски единици и членови на специјални противпожарни екипи. Во акцијата учествуваат и механизација од копно, цистерни за вода, градежни машини на локалните самоуправи, како и жители на погодените села и волонтери, објави „Прототема“.
Поради зголемениот ризик од нови пожари, властите привремено го ограничија сообраќајот и престојот на граѓаните во одредени шумски области на Патрас. Забраната важи од 21:00 до 06:00 часот и се однесува на неколку шумски патишта и заштитени зони. Исклучени се постојаните жители, вработените, сопствениците на земјиште, сточарите и луѓето што ги користат главните патни правци.
Нов пожар избувна во шумската област Фалаиси, во општината Мегалополис во Аркадија.
Според податоците на противпожарната служба, пожарот е пријавен околу 23.10 часот, а на терен се распоредени 48 пожарникари, три пешадиски единици и 12 противпожарни возила
© Vecer.mk, правата за текстот се на редакцијата
