„ПО УНГАРИЈА ЈА ИЗГУБИВМЕ И СРБИЈА“: АфД во паника по поразот на Вучиќ

„Ова не е добар ден. По Унгарија, сега ја изгубивме и Србија. Станува јасно дека десницата мора да се реорганизира. Сегашниот пристап веќе не е доволен за да биде убедлив“, напиша Кра на платформата „Икс“ (X), откако Вучиќ го призна поразот на својата листа на парламентарните избори.

Кра е пратеник во Бундестагот од крајно десничарската партија „Алтернатива за Германија“ (АфД); неговата пратеничка група претходно побара од германската влада да го повлече признавањето на Косово.

Пратениците од АфД, Харалд Вајел и Малте Кауфман, учествуваа како набљудувачи на српските парламентарни избори во 2023 година. Во изјава објавена од нивната пратеничка група, тие ги поврзаа пост-изборните протести со можна „обоена револуција“.

---

ФИЈАСКО НА ИЗБОРИТЕ ВО БУГАРИЈА - На претседателските избори излезе едвај петина од народот

„СЕИЗМИЧКА ПРОМЕНА НА БАЛКАНОТ“ - Неверојатно како страниските медиуми го коментираат изборниот резултат во Србија

---

Коментарот на Кра сугерира дека тој на поразот на листата на Вучиќ гледа како на удар врз поширокиот политички простор со кој АфД дели одредени ставови.

Кра повлече паралела помеѓу Србија и Унгарија, каде што Виктор Орбан загуби на изборите во април, по 16 години на власт. Во Србија, листата предводена од Вучиќ го призна поразот, додека листа предводена од студенти освои најголем број гласови.