Голем шумски пожар синоќа избувнал на територијата на општина Химара, на албанското крајбрежје. Поради силниот ветер, огнот брзо се проширил и го загрозил околното подрачје и неколку куќи, јавува дописникот на „Топ чанел“, Микел Марси.
Според информациите од службите за итни случаи, досега е пријавено дека пожарот целосно уништил шест куќи. Три од нив биле населени, а три биле празни.
Жителите велат дека поминале тешка ноќ. Како што се ширел огнот, неколку жители и туристи биле принудени да ги напуштат домовите и објектите во кои престојувале и да се упатат на побезбедни места. За среќа, според првичните информации, нема повредени.
© Vecer.mk, правата за текстот се на редакцијата
