Екстремните жештини го поместија почетокот на учебната година во Република Српска, па учениците во основните и средните училишта нема да седнат во училишните клупи во предвидениот период. Министерството за образование и култура одлучи наставата да не започне од 4 до 11 септември 2026 година, поради високите температури и несоодветните услови за работа, со цел да се заштитат здравјето и безбедноста на учениците и вработените.
Од Министерството посочуваат дека одлуката е донесена поради тешките временски услови, кои создаваат ризик и отежнуваат нормално одвивање на образовниот процес.
„Мерката е преземена со цел заштита на здравјето и безбедноста на учениците и вработените во училиштата и обезбедување безбедни и соодветни услови за спроведување на образовната работа, во согласност со важечките законски прописи“, соопшти Министерството.
Така, наместо на 4 септември, учебната година во основните и средните училишта во Република Српска ќе започне по завршувањето на периодот во кој се очекуваат екстремно високи температури.
© Vecer.mk, правата за текстот се на редакцијата
