На плажата Билин жал во Лумбарда на островот Корчула е забележано краткотрајно фекално загадување на морето поради зголемена концентрација на бактеријата Ешерихија коли, поради што засега не се препорачува пливање, предупреди Дубровничко-неретванската жупанија.
Краткорочното загадување со фекалии е потврдено за време на шестиот редовен преглед на квалитетот на морето за пливање, кој го спроведува Институтот за јавно здравје на Дубровничко-неретванската жупанија, објавува Index.hr.
„За жал, беше утврдено дека резултатите од анализата на морето за пливање на плажата Билин ја надминаа граничната вредност за бактеријата Ешерихија коли“, соопшти институтот.
Земањето мостри од морето ќе се повторува сè додека не престане загадувањето, за што се известени Инспекторатот за заштита на животната средина и другите надлежни инспекции.
© Vecer.mk, правата за текстот се на редакцијата
