Министерот за информации Моамар ал-Ерјани изјави за Би-Би-Си дека премиерот и другите министри биле неповредени кога пет балистички ракети ја погодиле палатата ал-Маашик, но многу други биле ранети.
Медиумите контролирани од Хутите објавија дека групата го нападнала „штабот на воените операции, командуван од саудиски офицери“, како и складиштата за оружје.
Хутите напаѓаат и цели во Саудиска Арабија
Коалицијата предводена од Саудиска Арабија ја поддржува јеменската влада и обезбедува воздушна поддршка на офанзивата на провладините сили против Хутите поддржани од Иран.
Како одмазда за нападите врз областите под нивна контрола во западен Јемен, вклучувајќи го и главниот град Сана, Хутите, исто така, лансираа ракети и беспилотни летала врз аеродроми, нафтени и гасни постројки и воени бази во Саудиска Арабија.
Во саботата, во ракетен напад на Хутите врз меѓународниот аеродром во Ријад загинаа 13 лица. Тоа беше најсмртоносниот напад во Саудиска Арабија во последната деценија.
© Vecer.mk, правата за текстот се на редакцијата
