Џеф Безос, основачот на „Амазон“, во понеделникот ја посети јахтата „Мунрис“ на Јан Кум, компјутерски програмер, милијардер и коосновач на популарната апликација за размена на пораки „ Вотсап “, која е вкотвена кај Млет.
Безос пристигна на јахтата во доцните попладневни часови, во друштво на американскиот медиумски могул и милијардер Бари Дилер. Истиот ден, Јан Кум со хеликоптер слета на својата јахта.
И претходно доаѓале во Хрватска
На Безос не му е непознато хрватското крајбрежје. Пред три години, со својата јахта „Кору“, тој престојуваше во соопствениот залив Полаче кај островот Млет со својата сопруга Лорен Санчез. Истата година парот престојуваше и кај Дубровник. Минатата година парот го посети и Хвар, каде што заминаа во ресторанот „Код барба Луке“ кој се наоѓа во Стари Град.
Во Хрватска претходно бил и Јан Кум. Пред две години, неговата 100-метарска суперјахта беше снимена меѓу островите Лопуд и Шипан. Исто така, пред неколку години дојде на Вир со три луксузни мегајахти, а најскапата, „Мунрис“, е вредна 220 милиони долари. Луксузната јахта е опремена со џакузи и хелидром, а може да прими 15 гости во осум кабини.
50-годишниот милијардер со украинско потекло своето богатство го стекна со продажбата на „WhatsApp“ на „Фејсбук“ во 2014 година за 19,3 милијарди долари. Тој е познат и како голем љубител на луксузни автомобили и поседува една од најголемите колекции на „порше“ во светот со околу стотина автомобили.
© Vecer.mk, правата за текстот се на редакцијата
