Мистериозно и драматично движење на руската претседателска и воена авијација го крена светот на нозе откако најмалку седум специјални авиони итно полетаа од елитниот воен аеродром „Чкаловски“ во близина на Москва, во истите моменти кога врз руската престолнина се истури рекорден бран од речиси стотина противнички дронови!
Информацијата веднаш ги запали социјалните мрежи и светските медиуми, отворајќи жешки шпекулации за евентуална итна евакуација на високи претставници од рускиот државен врв и самиот Кремљ.
Најбрутален напад досега: Соборени дури 94 дронови!
Градоначалникот на Москва, Сергеј Собјанин, соопшти дека руската противвоздушна одбрана водела жестока битка на небото од 23 часот на 15 октомври до 8 часот наутро на 16 октомври, при што биле уништени дури 94 дронови. Сите четири основни московски аеродроми беа под тотална блокада, а десетици цивилни летови беа итно пренасочени.
Експлозии и драми беа забележани и во Владимирскиот, Смоленскиот и Рјазањскиот регион, додека во Ростовската област има и повредени цивили.
Што се случувало на базата „Чкаловски“?
Воениот аеродром „Чкаловски“ е познат како главна база за специјалните летови на руските државни структури и Клубот за претседателски транспорт. Полетувањето на седум воени и владини летала (меѓу кои Ил-76, Ту-154 и Ан-148) истовремено и во услови на тотален воздушен аларм предизвика бројни дилеми.
Иако засега нема официјална потврда дали во авионите се наоѓале претседателот Владимир Путин или други високи владини функционери, самиот факт што елитната авијација се крена во воздух во текот на најголемиот напад врз Москва покажува дека во руската престолнина владеела состојба на највисока воена и безбедносна приправност.
© Vecer.mk, правата за текстот се на редакцијата
