Израелскиот премиер Бенјамин Нетанјаху му се обрати на иранскиот народ, велејќи им дека имаат „можност што се јавува еднаш во генерација“ да го соборат режимот таму. Тој рече дека израелските напади ќе им помогнат „да се ослободат од тиранијата“.
„Излезете масовно на улиците и завршете ја работата“, рече тој.
„Крајно време е да се обединиме во историска мисија“, додаде Нетанјаху.
Нетанјаху, исто така, тврди дека „постојат многу знаци дека тиранинот Хамнеи повеќе не е жив“. Сепак, тој не понуди никакви докази за тоа тврдење.
Тој објави дека операцијата ќе продолжи сè додека е потребно и повика на трпение. Нетанјаху рече дека Израел има „алијанса за мир и алијанса за војна“, додавајќи дека оваа војна на крајот ќе доведе до „вистински мир“.
„Ова е можност да се направи нешто. Не седете со скрстени раце, бидејќи доаѓа моментот кога ќе бидете замолени масовно да излезете на улиците. Мора да ја завршите оваа работа, мора да го соборите и искорените овој режим“, заклучи тој.
Иран: Врховниот лидер и претседателот се живи и здрави по нападот
Министерството за надворешни работи на Иран претходно објави дека врховниот лидер и претседателот на земјата се живи и здрави, откако се појавија информации за напад врз комплекс во Техеран.
„Сите се безбедни и неповредени“, изјави потоа портпаролот на министерството.
„Вистина е, некои од нашите команданти загинаа како маченици во овој терористички чин на агресија. Но, важно е иранскиот народ и нашите храбри вооружени сили да преземат сите потребни мерки за да го одбранат Иран на најсилниот можен начин.“
Претходно, министерот за надворешни работи изјави за американската телевизиска мрежа NBC News дека врховниот лидер е, „доколку тој знае“, жив.
© Vecer.mk, правата за текстот се на редакцијата
