Потпретседателот на САД, Џеј Ди Венс, се очекува до вторник наутро да пристигне во Исламабад, каде што треба да учествува во преговорите со Иран за постигнување договор за крај на војната, пренесува „Аксиос“, повикувајќи се на три американски извори.
Посетата на Венс на Пакистан доаѓа во критичен момент, токму пред истекот на сегашното примирје. Додека дипломатите се подготвуваат за средба, претседателот на САД, Доналд Трамп, упати сериозна закана: тој најави дека ќе започне нова кампања на бомбардирање врз иранските мостови и електрани доколку во Исламабад не биде постигнат конечен договор.
Според изворите, Белата куќа во текот на вчерашниот ден чекала потврда од Техеран дека Иран ќе испрати свој преговарачки тим на закажаната локација.
© Vecer.mk, правата за текстот се на редакцијата
