Истрагата за језивиот случај кој ја потресе германската јавност доби нов, уште помрачен пресврт. Обвинителството се сомнева дека мажот, чии останки беа пронајдени во контејнери за отпад во Хојзенштам, бил убиен за време на сатанистички ритуал.
Случајно избрана жртва
Делови од телото беа пронајдени уште во февруари во контејнери во индустриската зона на Хојзенштам, град јужно од Офенбах. Неколку дена по страшното откритие, полицијата на граничниот премин кон Полска уапси 39-годишна жена поради сомнение за вмешаност во убиството, пренесува „Феникс Магазин“.
Осомничената, која денес има 40 години и според информациите се бавела со проституција, се соочува со обвинение за убиство. Обвинителството во Дармштат поднесе барање за определување мерка забезбедување, а досегашната истража покажува дека жртвата била случајно избрана.
„Врз основа на спроведената истража, Јавното обвинителство поаѓа од тоа дека осомничената го убила случајно избраниот маж најверојатно во рамките на сатанистички ритуал“, се наведува во официјалното соопштение.
Распарчен и фрлен во отпад
Германското обвинителство засега не открива детали за тоа што точно се случувало за време на самиот ритуал, ниту пак зошто токму тој човек станал жртва. Досегашните согледувања индицираат дека мажот воопшто не бил свесен за опасноста што му се заканува.
Се сомнева дека осомничената по убиството го распарчила неговото тело, а потоа ги одложила останките во контејнери за отпад во индустриската зона. Надлежните служби продолжуваат со истрагата за целосно расветлување на сите околности околу овој морбиден случај.
© Vecer.mk, правата за текстот се на редакцијата
