УЕФА издаде соопштение во врска со скандалозното поништување на црвениот картон на американскиот репрезентативец, Фоларин Балогун, кој доби директен црвен картон во натпреварот од осминафиналето на Светското првенство во 2026 година против Босна и Херцеговина.
Иако требаше да добие еден натпревар суспензијата, напаѓачот ќе има право да игра против Белгија во осминафиналето со одлука на ФИФА. Американскиот претседател Доналд Трамп наводно двапати го повикал претседателот на ФИФА, Џани Инфантино, по исклучувањето на Балогун и неговата суспензија.
„Вчерашната одлука за суспендирање на автоматската забрана од еден натпревар по црвениот картон покажан на играчот Фоларин Балогун ја премина границата. Фудбалот, како и секој друг спорт, се базира на правила кои ја формираат основата на фер, транспарентно и праведно натпреварување. Понекогаш, правилата се отворени за толкување. Ова не е случај овде. Минималната автоматска суспензија од еден натпревар по црвен картон не е дискрециона и не бара одлука од надлежен орган. Тоа е принцип утврден во прописите, кој не дозволува исклучоци, особено во средината на турнирот каде што неколку други играчи се нашле во слична ситуација и ги отслужиле своите суспензии. Кога правилата не се спроведуваат, интегритетот на играта е компромитиран, а довербата во натпреварувањето е поткопана. Слично на тоа, оваа одлука поставува преседан на тековниот турнир, каде што слични ситуации сега ќе бараат еднаков третман, што ќе му наштети на натпреварувањето. Фудбалот е најомилениот спорт во светот бидејќи е прекрасна игра и е доверен бидејќи сите земји играат според истите правила. Ниеден турнир не може да постои самостојно, а кога станува збор за Светското првенство, тоа може да има и позитивно и негативно влијание врз играта како целина. Изразуваме недоверба кон оваа невидена, неразбирлива и неоправдана одлука“, се вели во соопштението на УЕФА .
