Шпанскиот фудбал се соочува со одлука каква што никогаш не е забележана во историјата! Во наредните часови, дисциплинските власти ќе ја објават драконската казна за голманот Хесус Овоно, чиј катастрофален потег доведе до трагичната смрт на 30-годишниот напаѓач на Тенерифе, Хесус де Мигел.
Невидена трагедија на теренот ја обви спортската јавност во црно, а сè укажува дека професионалната кариера и спортскиот пат на 25-годишниот голман на Андора и репрезентативец на Екваторијална Гвинеја дефинитивно е завршен. Одлуката за санкцијата требаше да биде објавена порано, но таа беше пролонгирана поради специфичните околности што го следеа овој случај, додека цела Шпанија со грутка во грлото чека официјално објаснување на пресудата. Според информациите што доаѓаат од Пиринеите, најблагата можна мерка што му се заканува на Овоно е суспензија од најмалку 15 натпревари.
Дисциплинската комисија разгледува драстичен потег што би поставил преседан во модерниот фудбал – трајно одземање на професионална лиценца за играње. Иако оваа најстрога мерка досега беше строго резервирана за сериозни кривични дела како што се местење натпревари и нелегално обложување, фаталниот исход и ужасните последици од дуелот би можеле да ги принудат челниците на натпреварувањето засекогаш да ги затворат вратите на шпанските терени за младиот голман.
sportmedia.mk
© Vecer.mk, правата за текстот се на редакцијата
