Шпанскиот фудбалер Педро Родригез официјално стави крај на професионалната кариера на 39-годишна возраст. Одлуката ја објави преку социјалните мрежи, по завршувањето на договорот со Лацио на 30 јуни.
„Чувствувам дека дојде вистинскиот момент да направам чекор напред и да започнам ново поглавје во животот. Заминував горд што го остварив својот сон. Фудбалот ме направи многу среќен“, порача Педро.
Педро зад себе остава 25 освоени трофеи, меѓу кои Светското првенство со Шпанија во 2010 година и Европското првенство во 2012 година. Со Барселона освои три титули во Лигата на шампионите, пет шампионски титули во Шпанија и голем број други трофеи. Кариерата ја продолжи во Челси, каде што стана шампион на Англија, а потоа настапуваше и за Рома и Лацио. Во дресот на Шпанија запиша 65 настапи и 17 голови.
