Ѕвездата на Манчестер Сити и освојувач на Златната топка, Родри, даде обемно интервју за „Радиоестадио Ноче“ на шпанската радио станица „Онда Серо“. Во него, 29-годишниот играч од средниот ред ја отвори вратата за драматично враќање во шпанската престолнина. Шпанскиот репрезентативец не ја криеше својата амбиција да се врати во Ла Лига и јасно стави до знаење дека неговото минато во Атлетико Мадрид не е пречка за евентуален трансфер во „кралевите“.
„Фактот што играв за Атлетико Мадрид не ме спречува да играм за Реал Мадрид. Има и други играчи кои поминале низ овој пат – не директно, туку со текот на времето“, рече играчот од средниот ред. Родри ги коментираше и гласините за интерес од страна на раководството на „кралскиот клуб“:
„Не можете да се откажете од најдобрите клубови во светот. Дали сум слушнал дека претседателот и извршниот директор на Реал ме сакаат? Не знам, тие разговараат со мојот агент. Сè уште имам време од договорот со Сити, но ќе дојде време кога ќе мора да седнеме и да разговараме. Кога ќе ве повика Реал Мадрид, тоа е чест и секогаш треба да ја слушате понудата“, посочи Родри.
