Фудбалерите на Манчестер Јунајтед доживеаја уште една бламантен пораз во рамките на Лигата на Шампионите, откако вечерва екипата на Комо одигра брилијантна партија и славеше со 4:1 во дуелот со „црвените ѓаволи“. Тренерската позиција на Мајкл Керик беше во опасност и пред овој натпревар, а сега е веќе извесно дека бившата играчка легенда на Манчестер нема повеќе да биде водач на клубот.
Нико Паз уште во втората минута ја најави катастрофата за противничкиот тим и го отвори резултатот. Во 49-тата минута Паз асистираше за Дувикас, а овој го матираше Ламенс за 2:0. Само 8 минути подоцна Паз повторно се најде на вистинското место и го постигна и третиот гол за својот тим, а круна на убедливата победа стави Јакобо Рамон во 76-тата минута. Џошуа Зиркзе постигна почесен погодок за Манчестер Ј. во 91-та минута.
Во вториот натпревар кој се одигра во вечерашниот термин Галатасарај ја совлада екипата на Лил со 2:4. Домашните играа одлично и водеа со 2:1 со головите на Диаун, но во вториот дел Галатасарај ја оправда фаворитскита улога и стигна до пресврт. Головите за Галата ги постигнаа Акѓун, Батраков, Осимен и Озер кој си постигна автогол.
