Манчестер Јунајтед официјално потврди пет заминувања – Покетино донесе сопствен стручен штаб

Vecer | 18.11.2026

Манчестер Јунајтед официјално потврди пет заминувања – Покетино донесе сопствен стручен штаб
Додај го Вечер како твој извор на Google (се отвора во нов таб)

Манчестер Јунајтед започна целосна реконструкција на стручниот штаб по назначувањето на Маурисио Покетино за нов менаџер. Клубот официјално потврди дека петмина членови на досегашниот стручен тим го напуштаат „Олд Трафорд“.

Станува збор за Џони Еванс, Стив Холанд, Џонатан Вудгејт, Тревис Бинион и тренерот на голманите Крег Мосон. Сите тие беа дел од тимот на Мајкл Карик, кој минатата недела доби отказ по разочарувачкиот почеток на сезоната.

Особено внимание привлекува заминувањето на Џони Еванс, поранешниот дефанзивец на Јунајтед, кој освои три титули во Премиер-лигата со клубот и подоцна доби тренерска улога. Стив Холанд, пак, е добро познато име во англискиот фудбал, со претходно искуство како асистент во репрезентацијата на Англија.

Покетино на „Олд Трафорд“ пристигнува со петмина свои соработници: Мигел Д’Агостино, Хесус Перез, Тони Хименез, Алек Скот и неговиот син Себастијано Покетино. Станува збор за луѓе со кои аргентинскиот стратег соработувал во претходните клубови и во американската репрезентација.

Новиот менаџер веќе започна со работа во тренинг-центарот „Карингтон“, а првиот голем предизвик ќе го има во недела, кога Манчестер Јунајтед гостува кај Ливерпул на „Енфилд“.


sportmedia.mk

© Vecer.mk, правата за текстот се на редакцијата

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk