Анри воодушевен од Јамал и Олисе: Овие момци прават нешто невидено во модерниот фудбал!

Vecer | 19.11.2026

Анри воодушевен од Јамал и Олисе: Овие момци прават нешто невидено во модерниот фудбал!
Додај го Вечер како твој извор на Google (се отвора во нов таб)

Легендата на Арсенал и францускиот фудбал, Тјери Анри, не го криеше воодушевувањето од играта на две од најголемите млади фудбалски ѕвезди – Ламин Јамал од Барселона и Мајкл Олисе од Баерн Минхен.

Во подкастот „Kampo“, поранешниот француски напаѓач зборуваше за квалитетите на двајцата офанзивци, издвојувајќи ја нивната техника, креативност и пред сè, љубовта кон фудбалот.

Тој смета дека двајцата поседуваат квалитети кои ретко се гледаат во современиот фудбал, а она што особено го воодушевува е нивната глад за успеси, без оглед на постигнатото.

„Овие момци прават работи што одамна не сме ги виделе во фудбалот! Секогаш можете да видите колку се среќни, но никогаш не се задоволни. Причината е едноставна – ако постигнат четири гола, ќе сакаат пет, а ако освојат еден трофеј, ќе сакаат три“, истакна Французинот.

Пофалбите од Анри се уште едно признание за двајцата офанзивци, кои со своите настапи се наметнаа меѓу најинтересните фудбалери во Европа.


sportmedia.mk

© Vecer.mk, правата за текстот се на редакцијата

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk