Фудбалер доби осумгодишна суспензија: Со камен го погоди судијата во глава!

Vecer | 19.11.2026

Фудбалер доби осумгодишна суспензија: Со камен го погоди судијата во глава!
Додај го Вечер како твој извор на Google (се отвора во нов таб)

Еквадорскиот фудбалер Џон Мишел Перласа Салас е казнет со осумгодишна забрана за играње фудбал, откако со камен го погоди помошниот судија директно во главата. Поради сериозноста на повредите, арбитарот морал да биде опериран.

Инцидентот се случил на 17 октомври, на натпревар од третата лига во Еквадор меѓу екипите на Сиудад де Јанца и Рио Агварико. Во 96. минута, Перласа, кој се наоѓал на клупата за резервни фудбалери, фрлил камен кон помошниот судија Ленин Џовани Охеда Нуњез и го погодил директно во лицето. По инцидентот, натпреварот веднаш бил прекинат.

Фудбалската федерација на Еквадор соопшти дека судијата се здобил со тешки повреди и морал да биде подложен на оперативен зафат.

Казна до 2034 година, санкции и за клубот

Дисциплинската комисија го прогласи фудбалерот за виновен за физички напад и му изрече забрана за учество во сите фудбалски активности до 19 октомври 2034 година.

Дополнително, федерацијата најави дека од ФИФА ќе побара осумгодишната суспензија да важи на глобално ниво.

Казнет е и клубот Сиудад де Јанца, поради однесувањето на својот фудбалер, но и пропустите во организацијата и безбедноста на домашниот терен.

Клубот ќе мора да плати 2.000 долари казна, како и дополнителни 4.369 долари за медицинските трошоци на повредениот судија. Исто така, следните три домашни натпревари ќе ги игра надвор од општинскиот стадион во Јанца.


sportmedia.mk

© Vecer.mk, правата за текстот се на редакцијата

Vecer.mk е прв македонски информативен портал, основан во 2004 година.

2004-2026 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004- 2026. Vecer.mk