На теренот кај Рамно, близу границата со Косово, пожарот сè уште е активен, а додека директорот на ДЗС Стојанче Ангелов информираше за состојбата, доби и неочекувано „разладување“ од хеликоптерот на МВР кој учествуваше во гаснењето. Ангелов се пошегува дека бил „колатерална штета“, но нагласи дека најважно е огнот да биде изгаснат. Тој информираше дека вчера во земјава имало околу 30 пожари, од кои шест сè уште се активни. Пожарот кај Рамно гори ниско, во трева и лисја, без да ги зафаќа дрвјата, додека ветерот го носи чадот кон Скопска Црна Гора.
© Vecer.mk, правата за текстот се на редакцијата
