Револт кај јавноста предизвика снимката објавена од Спортското риболовно друштво „Трофта“ од Дебар, на која се гледа како несовесен граѓанин застанува со возило на мост над реката Радика, вади вреќи и кутии полни со отпад и ги фрла директно во реката. Случајот предизвика остри реакции поради загадувањето на една од најчистите и најубавите реки во Македонија, а од „Трофта“ порачаа дека Радика не е место за отпад и дека ваквото однесување претставува непочитување кон природата и живиот свет. По објавената снимка реагираше и полицијата – од СВР Охрид информираат дека преземаат мерки за утврдување на идентитетот на лицето, по што јавноста ќе биде соодветно известена.
© Vecer.mk, правата за текстот се на редакцијата
