„Скопски стрипосестри 2026“ е заеднички проект на ЈУ Дом на култура „Кочо Рацин“ – Скопје и Здружението на стрип-автори и љубители на стрипот „Стрип центар – Стрипот може“ од Велес Изложбата „Скопски стрипосестри 2026“, која го афирмира женското творештво во деветтата уметност.
На настанот свои дела претставија визуелните и мултидисциплинарните авторки: Дона да Видра, Евгенија Трајковска и Ангела Петрушевска. Тим лидер е Томе Трајков, а куратор Иван Станчевски.
Претседателот на Здружението „СТРИПОТ МОЖЕ“ Томе Трајков, потенцира дека поставката нуди увид во визуелното раскажување и развојот на стрип-културата кај нас.
Сега секој што ја следи балканската стрип сцена и стрип фестивали лесно ќе забележи дека панел дискусии на тема „ЖЕНСКИОТ СТРИП “ прераснаа во ситуација на тренд, престиж и контрапрестиж, со други зборови тие се чувствува и натпревар помегу самите фестивали. Се формираат посебни здруженија и мрежи на женски стрип ,како на пример СТРИПОТЕТКИ и слично.
Дали е темата женски стрип оправдана или пак не, може да се перцепира исклучиво во склоп на развојот и афирмацијата на сеопштиот македонски стрип, во и вон Македонија. Дури постои мислење дека кај жените авторки е понагласена трпеливоста во самиот процес на подготвување на едно стрип дело, поентира Трајков.
© Vecer.mk, правата за текстот се на редакцијата
