Вработен во угостителски објект во Тетово е приведен откако по расправија со гостин го повредил со остар предмет. Инцидентот се случил вчера наутро во кафуле на улицата „ЈНА“, при што 53-годишен тетовчанец се здобил со повреда на раката, а по целосното расчистување на случајот против осомничениот ќе биде поднесен соодветен поднесок.
„Вчера во 10:15 часот во СВР Тетово бил извршен службен разговор со Л.М. (25) од село Мала Речица. Според пријавеното, околу 09:30 часот во угостителски објект на улицата „ЈНА“ во Тетово, каде што работел Л.М., дошло до расправија меѓу него и А.Ј. (53) од Тетово. Во текот на расправијата, Л.М. со остар предмет му нанел повреда на раката.“
Л.М. бил задржан во полициска станица, а по целосното документирање на случајот против него ќе биде поднесен соодветен поднесок.
© Vecer.mk, правата за текстот се на редакцијата
