Економијата бележи стабилен раст, а јавниот и државниот долг се намалуваат – резултати кои, според ВМРО-ДПМНЕ, се потврда дека Владата во изминатите две години води одговорна економска политика. Од партијата велат дека со внимателно управување со јавните финансии се постигнуваат конкретни резултати и се создава стабилна економска основа за понатамошен развој.
Од ВМРО-ДПМНЕ посочуваат дека наследиле тешка економска состојба и големи обврски, но дека денес состојбата е значително подобрена, со континуиран раст на БДП и намалување на задолженоста на државата.
„Државниот долг сега изнесува 51,7% од БДП, што претставува намалување од 41 милион евра.
Ова е јасен показател дека политиките на Владата даваат резултати и дека Македонија се движи во насока на финансиска стабилизација.
Позитивните трендови се потврдуваат и преку економскиот раст. БДП веќе седум квартали по ред бележи раст од над 3% проценти, што укажува на стабилна економска активност и зголемена доверба во економските политики.
За ВМРО-ДПМНЕ економијата не е статистика на хартија, туку подобар животен стандард, стабилни јавни финансии, повеќе инвестиции и сигурна иднина за граѓаните.
Додека претходната власт оставаше долгови, корупција и економски хаос, денес Владата работи на стабилизирање на државните финансии и создавање услови за економски раст.
Резултатите се мерливи. Долгот се намалува, финансиската стабилност се зајакнува, а државата конечно се управува домаќински.
ВМРО-ДПМНЕ продолжува да работи за стабилна, економски силна и просперитетна Македонија“, се вели во соопштението.
© Vecer.mk, правата за текстот се на редакцијата
