Последниве години Македонија има среќа со времето. Барем пет години нанзад во зима и на есен поширокиот регион редовно се соочува со поплави, силни ветрови а во зимските месеци со обилни врнежи на снег и долготарен мраз кој е закана за луѓето, економијата и инфраструктурата. Кај нас имавме благи умерени зими и лета без екстремни последици.
Ова лето поширокиот регион се соочува со суша, губење вода во големите реки до ниво што Дунав на поедини места е длабок само 50 сантиметри, со губиток на ниво на водата од претходни најмалку три до пет метри ниво на вода на тие емста поради што запираат работа хидроцентралите и нуклеарните централи кои таа вода од реката ја користат за ладење на реакторите.
Веќе неколку дена кај нас температурата дење е од 37 до 40 степени, а најавите се дека таквото време не чека и во наредните десетина дена, особено следната недела. Проблеми со вода немаме, и нема да имаме во тој критичен период до средината на август, а потоа се очекува и стабилизација, залаудување кое е стандардно за тоа време во годината.
Од УХМР додаваат дека периодот на сончево и многу топло време ќе продолжи и во следните денови, а дневната температура во некои места ќе достигне до 40 степени Целзиусови.
Повремено, во планинските региони, ќе има услови за краткотраен дожд и ретка појава на грмежи. Ќе дува слаб до умерен ветер од променлив правец.
Кој мисли дека е неиздржливо жешко нека помисли како е северно и јужно од нас: нема вода, пожари долги со километри а струјата секој ден може да секне. Овде е сепак нормално за лето.
© Vecer.mk, правата за текстот се на редакцијата
