Продолжува приведувањето на осомничени лица во случајот со големиот пожар во дискотеката „Пулс“ во Кочани кога загинаа 59 лица.
Како што дознава мкд.мк попладнево полицијата ги приведе тројцата градоначалници на Кочани од последниве неколку мандати – Ратко Димитровски, градоначалник од редовите на ВМРО-ДПМНЕ, Николче Илијев од редовите на СДСМ и довчерашниот градоначалник Љупчо Папазов од ВМРО-ДПМНЕ, кој пред два дена поднесе оставка.
Јавното обвинителство пред малку соопшти дека во координирана акција со полицијата приведуваат лица за кои има сомневање дека се вмешани во случајот со пожарот во Кочани.
Акцијата за приведување лица за кои постои сомнение за инволвираност ќе трае во текот на ноќта, а повеќе информации обвинителството ќе соопшти по завршување на акцијата во текот на утрешниот ден.
© Vecer.mk, правата за текстот се на редакцијата
