Изгаснати се сите 22 пожари на отворен простор што беа регистрирани во изминатото деноноќие, а утрово во државата нема ниту еден активен пожар. Според утринскиот извештај на Центарот за управување со кризи, заклучно со 7,30 часот, не се евидентирани активни пожари, по што укажува на целосно стабилизирање на состојбата.
Меѓу изгаснатите се пожарите во општините Чучер Сандево, Карпош, Гази Баба, Ѓорче Петров, Битола, Прилеп, Струга, Крива Паланка, Тетово, Желино, Кавадарци, Куманово, Центар, Арачиново и Гостивар.
Пожарите зафатиле ниска вегетација, сува трева, грмушки, депонии, како и делови од деградирана шума, а надлежните служби успеале да ги локализираат и целосно да ги изгаснат.
© Vecer.mk, правата за текстот се на редакцијата
