Софија Куновска со жестока критика на Фејсбук до актуелното раководство на СДСМ, оценувајќи дека на партијата, но и на Македонија, ѝ е потребно негово заминување.
„Оној сомнително избран претседател на СДСМ, кој има никаков легитимитет, е скоро ист примитивец како оној што го постави и кој ни покажуваше „магарешки стапови“ по прес-конференции“, напиша Куновска.
Таа додава дека СДСМ, но „уште повеќе и Македонија“, имаат потреба претседателот „веднаш да се спакува од Бихаќка и да си замине“.
Софија Куновска е македонска актерка, поранешна пратеничка и поранешна советничка во Советот на Град Скопје. Дипломирала актерска игра на Факултетот за драмски уметности во Скопје, а од 1992 година е дел од ансамблот на Драмскиот театар – Скопје. Во политиката беше член на СДСМ, советничка во Град Скопје и пратеничка во Собранието во периодот од 2014 до 2016 година.
© Vecer.mk, правата за текстот се на редакцијата
