Еден билет за воз и за автобус треба да стане реалност во Скопје до средината на идната година.
Градоначалникот на Град Скопје Орце Ѓорѓиевски најави интегриран систем со кој патниците повеќе не би плаќале одделно при префрлање од еден вид јавен превоз во друг.
– Да не се симнувате од воз, а сте платиле 40 денари, па да се качите во автобус и да платите уште 35 денари. Со еден билет да можеш да се качиш од Зелениково и да отидеш до Ѓорче Петров – објасни Ѓорѓиевски во „Ноќно студио“ на 4ТВ.
Системот треба да се изработи заедно со Министерството за транспорт. Според градоначалникот, интегрирањето на билетите би требало да го поедностави патувањето и да ги намали трошоците за граѓаните што комбинираат воз и автобус.
© Vecer.mk, правата за текстот се на редакцијата
