Странските инвестиции во земјава во последните две години достигнале околу 1,4 милијарди евра, рече премиерот Христијан Мицкоски од Прилеп, каде денеска е отворен нов производен погон на фабриката „ВИК“ во ТИРЗ. Мицкоски направи споредба со првите две години од претходната влада и порача дека разликата е значителна.
„Ако се прави анализа, во последните две години, откако оваа влада е избрана, вкупното ниво на странски инвестиции е околу 1 милијарда и 400 милиони евра. Ако ги споредиме овие две годни, со првите две години од владеење на пратходната влада, а тогаш немаше криза, ќе стане збор за споредба со 1.400.000 оваа влада и околу 750 милиони коишто ги имаше претходната влада. Бројките се јасни, разликата е огромна. Вчера имавме почеток на поголема инвестиција, половина милијарда долари, сопственикот рече дека ќе ја дуплира таа инвестиција. Денеска пуштаме нов производен погон, овде во Прилеп и продолжуваме понатаму“, рече премиерот Мицкоски.
© Vecer.mk, правата за текстот се на редакцијата
