Парче хартија што ја запечати судбината и го трасираше патот кон независна, суверена и самостојна Македонија за првпат излезе од строгите архивски депоа и е претставено пред македонската јавност.
Државниот архив на Македонија, ексклузивно за МИА, ги отвори своите трезори и премиерно го објави оригиналното референдумско гласачко ливче од 8 септември 1991 година, заедно со автентичните записници од избирачките места и комплетната доверлива документација за организацијата на историското изјаснување на граѓаните.
Директорот на Архивот, Димитар Богески, открива дека овие историски документи детално го прикажуваат државотворниот мозаик и правната рамка низ која се раѓаше македонската државност во услови на драматични и бурни геополитички промени во регионот.
© Vecer.mk, правата за текстот се на редакцијата
