logo
logo
logo

ЗАГИНА 51 ЛИЦЕ, НАД 100 СЕ ПОВРЕДЕНИ - веќе има приведени за трагедијата во Кочани

Vecer | 16.03.2025

ЗАГИНА 51 ЛИЦЕ, НАД 100 СЕ ПОВРЕДЕНИ - веќе има приведени за трагедијата во Кочани

Во трагедијата во Кочани животот го загуби 51 лице, а повредени се повеќе од 100 лица, информираше министерот за внатрешни работи Панче Тошковски на прес-конференција. Toj рече дека неколку лица веќе се приведени во врска со случајот и дека МВР ги презема сите мерки за истражување на причините за оваа трагедија.

Тошковски изрази длабоко сочувство до фамилиите на загинатите и на повредените.

Министерот потврди дека искри од пиротехника се причина за пожарот.

– Дежурен јавен обвинител е излезен на самото место, веќе се работи на случајот. Во овој момент најбитно е да бидеме смирени во насок на преземање на сите чекори. Секој еден кој погрешил ќе сноси одговорност. Секако ќе мора се изврши обдукција за идентификација на починатите. Починати лица имаме во повеќе болници. Ќе имаме информации за јавноста на секој час, час и половина.

Министерот откри дека дел од организаторите се меѓу повредените.

– Дел од лицата кои се во рамки на соодветна постапка се приведени и дел од организаторите се тешко повредени. Во координацијата сме со Јавното обвинителство и наскоро ќе излеземе со повеќе информации. Ќе мораме да работиме чекор по чекор.

Министерот истакна дека секој еден од нас треба да чувствува морална одговоросност за ваква трагедија.

– Секој во изминатите 30 години.

Тошковски не одговори на прашањата во врска со евакуацијата од дискотеката велеќи дека наскоро ќе има детали.

Министерот исто така обзнани дека според негови информации засега има доволен број на крвни единици за повредените.

© Vecer.mk, правата за текстот се на редакцијата

TailoredCV
logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk