Скопското обвинителство покрена подготвителна постапка против четири малолетнички кои извршија насилство врз 13-годишно девојче.
За напаѓачките, на возраст од 14 и 17 години, побарани се мерки на претпазливост, а целиот процес се води според Законот за правда за децата, објавија од Обвинителството.
Покрај малолетничките, на одговорност се повикани и нивните родители. До Обвинителството се доставени шест кривични пријави за „Запуштање и малтретирање дете“. Родителите се теретат дека ја запоставиле својата должност за грижа и воспитување, што резултирало со насилничкото однесување и физичкиот напад врз врсничката во населбата Ѓорче Петров. Надлежните веќе постапуваат по пријавите за да ги обезбедат потребните докази во редовна постапка.
© Vecer.mk, правата за текстот се на редакцијата
